மொறுமொறுப்பான மற்றும் வெடிக்காத உப்பு சீடை செய்முறை

📌 மொறுமொறுப்பான மற்றும் வெடிக்காத உப்பு சீடை செய்முறை

📝 தேவையான பொருட்கள்:

✍️ பச்சரிசி மாவு - 1 கப்

✍️ உளுத்தம் மாவு - 2 டேபிள்ஸ்பூன்

✍️ கடலை மாவு அல்லது பொட்டுக்கடலை மாவு - 1 டேபிள்ஸ்பூன்

✍️ வெண்ணெய் (உருகியது) - 3 டேபிள்ஸ்பூன்

✍️ கருப்பு எள் - 2 டீஸ்பூன்

✍️ பெருங்காயத்தூள் - 1/8 டீஸ்பூன்

✍️ துருவிய தேங்காய் - 3 டேபிள்ஸ்பூன்

✍️ உப்பு - தேவையான அளவு

✍️ தண்ணீர் - தேவையான அளவு

✍️ எண்ணெய் - பொரிக்க தேவையான அளவு

⸻

📝 செய்முறை:

✍️ ஒரு கனமான கடாயை அடுப்பில் வைத்து, பச்சரிசி மாவை மிதமான தீயில் நிறம் மாறாமல் நன்கு வறுக்கவும்.

✍️ உளுத்தம் பருப்பை வறுத்து, ஆறவைத்து நைசாக அரைத்து சலித்து எடுக்கவும்.

✍️ வறுத்த மாவை ஆறவைத்து, சலித்து வைத்துக் கொள்ளவும்.

✍️ ஒரு பெரிய பாத்திரத்தில் வறுத்த அரிசி மாவு, உளுத்தம் மாவு, கடலை மாவு, எள், பெருங்காயம், துருவிய தேங்காய் மற்றும் உப்பு சேர்க்கவும்.

✍️ உருகிய வெண்ணெயை சேர்த்து மாவுடன் நன்கு கலக்கவும்.

✍️ சிறிது சிறிதாக தண்ணீர் சேர்த்து, சப்பாத்தி மாவு பதத்திற்கு பிசையவும்.

✍️ பிசைந்த மாவில் இருந்து சிறிய உருண்டைகளாக உருட்டவும்.

✍️ மூன்று விரல்களால் மென்மையாக உருட்ட வேண்டும், அழுத்தம் கொடுக்க வேண்டாம்.

✍️ உருட்டிய சீடைகளை துணியில் பரப்பி 15–20 நிமிடங்கள் உலர விடவும்.

✍️ ஒரு கடாயில் எண்ணெயை மிதமான தீயில் சூடாக்கவும்.

✍️ உருட்டிய சீடைகளை கொஞ்சம் கொஞ்சமாக எண்ணெயில் போடவும்.

✍️ பொன்னிறமாக மாறி, சத்தம் அடங்கும் வரை பொரிக்கவும்.

✍️ எடுத்து, பேப்பர் டவலில் வடித்து வைக்கவும்.

📝 வெடிக்காமல் இருப்பதற்கான குறிப்புகள்:

✍️ மாவை நன்கு வறுக்க வேண்டும் – ஈரப்பதம் இருந்தால் சீடை வெடிக்கும்.

✍️ சீடைகளை மென்மையாக உருட்ட வேண்டும்.

✍️ துருவிய தேங்காய் உலர்ந்ததாக இருக்க வேண்டும்.

✍️ மாவை சலித்து கட்டிகள் இல்லாமல் பார்க்க வேண்டும்.

🦋🦋🦋 இது போன்ற தகவல்களை தினமும் தெரிந்து கொள்ள எனது பக்கத்தினை ஃபாலோ செய்யவும் இந்த பதிவு உங்களுக்கு பிடித்திருந்தால் உங்கள் நண்பர்களுடன் ஷேர் செய்யவும் நன்றி 🦋🦋🦋🦋